اسٹیڈیم میں کھیلے گئے میچ میں ٹاس ایک بار پھر بھارت کے حق میں رہا، اس سے قبل بھی دو میچز میں بھارت نے ٹاس جیتا تھا
بھارت نے تلک ورما کی شاندار 69 رنز ناقابل شکست بیٹنگ کی بدولت ایشیا کپ کے فائنل میں دلچسپ مقابلے کے بعد پاکستان کو 5 وکٹوں سے شکست دے دی، بھارت نے 147 رنز کا ہدف 2 گیندوں پہلے پانچ وکٹوں کے نقصان پر حاصل کیا۔
تفصیلات کے مطابق دبئی اسٹیڈیم میں کھیلے گئے میچ میں ٹاس ایک بار پھر بھارت کے حق میں رہا، اس سے قبل بھی دو میچز میں بھارت نے ٹاس جیتا تھا۔
ٹاس کے بعد دونوں ٹیموں نے ہاتھ نہی ملایا تاہم ایک منفرد تبدیلی نظر آئی، جس کے تحت پاکستانی کپتان سے پاکستانی کمنٹیٹر اور سوریا کمار سے بھارتی کمنٹیٹر نے بات کی۔
صاحبزادہ فرحان اور فخر زمان نے پاکستان کو اچھا آغاز فراہم کیا اور 84 پر صاحبزادہ فرحان 57 رنز بناکر آؤٹ ہوئے مگر پھر اُس کے بعد لائن لگ گئی اور صرف 62 رنز کے اضافے پر تمام کھلاڑی آؤٹ ہوگئے۔پاکستانی پراڈکٹس خریدیں
صاحبزادہ فرحان 57 اور فخر زمان 46 کے ساتھ نمایاں بلے باز رہے جبکہ 8 کھلاڑی ڈبل فیگر میں بھی داخل نہ ہوسکے۔ صائم ایوب نے 14 جبکہ سلمان آغا 8 اور محمد نواز 6 رنز بناسکے۔ بھارت کے کلدیپ یادو نے 4، بمراہ، ورون چکرورتی اور اکثر پٹیل نے 2، 2 کھلاڑیوں کو شکار بنایا۔
پاکستان نے 19.1 اوور میں 146 رنز بنائے اور بھارت کو جیت کیلیے 147 رنز کا ہدف دیا۔
بھارت کی جانب سے ابھیشیک شرما اور شبمن گل نے بیٹنگ کا آغاز کیا، 20 رنز پر تین اہم کھلاڑی آؤٹ ہوئے تو سنجو سیمسن اور تلک ورما نے شاندار انداز سے بیٹنگ کرتے ہوئے 57 رنز کی شراکت داری قائم کی۔ پھر سنجو سیمسن 24 کے انفرادی اسکور پر آؤٹ ہوگئے