کراچی: سندھ حکومت نے 20 صفر 1447 ہجری کو ہونے والے حضرت امام حسین رضی اللہ عنہ کے چہلم کی مناسبت سے تمام سرکاری اور نجی تعلیمی اداروں میں 15 اگست 2025 بروز جمعہ کو سرکاری طور پر عام تعطیل کا اعلان کیا ہے۔ چہلم کے موقع پر اسکولوں کی تعطیل کا اعلان 8 اگست
کو ایک نوٹیفکیشن کے ذریعے کیا گیا تھا، اس فیصلے کی بنیاد پر جو 28 نومبر 2024 کو منعقدہ اسٹیئرنگ کمیٹی کی ذیلی کمیٹی کے اجلاس میں لیا گیا تھا۔ چہلم پر سکولوں کی تعطیل کا اطلاق ان تمام صوبائی اداروں پر ہو گا جو سکول ایجوکیشن اینڈ لٹریسی ڈیپارٹمنٹ کے کنٹرول میں آتے ہیں۔